Debuxando movementos I

Debuxando movementos I stop motion 3º ESO from Puga TiVi on Vimeo.

Neste curso traballamos o debuxo do movemento en Plástica. A profesora mandounos realizar un estudo de movemento dun personaxe: persoa, bicho ou planta.

De tódolos debuxos escolléronse estes catro por representar catro formas distintas de abordar o traballo, facendo 3, 4, 5 ou 6 debuxos, ummm! traballando máis, traballando menos!

Movemento con 6 debuxos de Lucía Lesta

Movemento con 5 debuxos de Laura García

Movento con 4 debuxos de Adrián Martelo

Movemento de 3 debuxos de Pablo Penela

Dixitalizados estes debuxos montáronse foto a foto no Movie Maker para facer a animación que vos deixamos nesta entrada.

Videopoemas dende a aula

Os alumnos de bacharelato realizarón estes vídeos nos obradoiros de creación: "Guerra e Paz, videopoemas dende a aula". Os vídeos formarón parte do proxecto RÁFAGAS, celebrado no centro Ágora da Coruña.


IES Rafael Puga Ramón (1) from Obradoiros de Creación on Vimeo.

IES Rafael Puga Ramón (2) from Obradoiros de Creación on Vimeo.

Gustos, Planos e d + Enredos

Neste trimestre do curso 2011-12 estudamos os distintos tipos de planos e os movementos da cámara. Como traballo de clase decidimos gravar unha serie de curtas onde practicar os distintos tipos de plano. Pero mentres organizábamos os guións a profesora suxeriunos que graváramos imaxes sobre os nosos gustos e as cousas que acostumamos a facer cando temos tempo libre, e que con estas gravacións (e outras) poderíamos facer unhas xornadas de “Cine solidario” no Salón de Actos do IES Rafael Puga Ramón e co que recadáramos facer un donativo a Miradas ao Mundo para que os nenos de Guinea fixeran unha pequena merenda e viran as nosas imaxes.
Puxémonos ao traballo e de todo iso fixemos este vídeo.

O Valor da Auga

Esta curta foi realizada por Karina Acosta Paulino e Sara Fernández García, como guionistas e intérpretes da mesma. E acompañadas da voz de Antía Díaz Gómez realizaron esta gravación para o Día do Medio ambiente.
O tema principal é a auga. A auga como un ben moi prezado que non podemos malgastar.

"La Brechita" con Marcos Nine

A maioría dos alumnos que este curso estamos en 2º de Audiovisuais,
asistimos no curso pasado en xuño, a un obradoiro de cine: "Obradoiro de cinema na  2ª Mostra de Cine Periférico" A Coruña.

Neste obradoiro realizamos un montón de cousas que nos gustaron moito:  pintamos, recortamos, raiamos, pegamos... rolos de películas vellas, e logo montamos as diapositivas que logo proxectaron para gravar este curto. Este curto recolle algunhas das ideas principais de traballo de La Brecha.

Aquí vos deixamos o vídeo. Agradecemos a todo o equipo da 2ª Mostra de Cine Periférico este obradoiro, xa que foi moi interesante e aprendemos moitas cousas.

Asible//1  "La Brechita" Dirección e montaxe: Marcos Nine
Produción: Fe Cortón e Ximena Losada
Imaxe: Iago González

Os nosos primeiros programas

No primeiro trimestre do curso, traballamos en Audiovisuais o tema da "Televisión", e tamén reflexionamos sobre como a televisión determina a alimentación dos adolescentes. Logo fixemos os nosos traballos creando unha serie de vídeos cos distintos programas que realizamos sobre este tema. Para case todos nós foi a primeira vez que actuabamos diante dunha cámara. Así que esperamos que vos resulten divertidos os nosos primeiros programas.

Curtos para o Día dos Dereitos Humanos

  Para celebrar o Día Internacional dos Dereitos Humanos, os alumnos de Audiovisuais de 2ºESO curso 2011-12, realizamos estes curtos para manifestar a nosa inquietude e compartir con outros alumnos o noso traballo que fixemos atendendo aos artigos sobre os Dereitos dos Nenos:  

    "Dereito a un nome e a unha nacionalidade." "O dereito de recibir amor, cariño e comprensión, e ter seguridade material." "O dereito á alimentación adecuada, vivenda e servizos médicos." "Dereito de coidados especiais para o neno física ou mentalmente impedido ou con impedimentos sociais". "Dereito a ser un dos primeiros que reciban protección e socorro en toda circunstancia." "O dereito a ser protexido contra toda forma de abandono, crueldade e explotación." "O dereito á disfrutar plenamente de xogos e a divertirse, e para recibir educación gratuíta e obrigatoria para que os nenos desenvolvan as súas habilidades e facerte membro útil da sociedade ". "O dereito a desenvolver o seu pleno potencial en liberdade e dignidade." "O dereito de ser educados nun espírito de comprensión, tolerancia, amizade entre os pobos, paz e fraternidade universal." "O dereito a beneficiarse destes dereitos, sen discriminación baseada na raza, cor, sexo, relixión, opinión política ou de outra índole, orixe nacional ou social, posición económica, nacemento ou calquera outra condición."

Utilizamos a Linguaxe Audiovisual e utilizamos Glogster para carteis de introducción.

Este é o noso vídeo:

Curtos na Eso Dereitos Humanos from Puga TiVi on Vimeo.